JustCrowd.net

Thursday, July 11, 2013

අඩු ඩේටා ප්‍රමාණයක් වැය වෙන ලෙස බ්ලොග් පෝස්ට් බලමු.

  අම්මෝ.. හත් අවුරුද්දකින් විතර ලිපියක් ලියන්නේ. දැන් නම් බ්ලොග් එකේ තත්වෙත් බැහැලා. කට්ටිය එච්චර එන්නෙත් නැති තරම්. මේ ටිකේ මගෙ පියාණෝ මැෂින් එක ඇල්ලීම පවා සපුරා තහනම් කරලා. O/L මේ අවුරුද්දනේ. ඔය හොරෙන් දැම්මොත් තමා. ඉතින් එහෙම අවස්ථාවක් එන්නෙත් කලාතුරකින්. එහෙම කලාතුරකින් ආපු වෙලාවක මේ ලිපිය දාන්න හිතුවා.


මේක පොඩි වැඩක්, එච්චර දෙයක් නෑ. හුඟක් කට්ටිය දන්නවත් ඇති. පාවිච්චි කරනවත් ඇති. මේක හුඟක් ප්‍රයෝජනවත් වෙයි ඔය ඩොන්ගල් වලින් නෙට් ගිහින් බ්ලොග් ලිපි කියවන අයට. මොකද ඩොන්ගල් වලින් යනකොට සාපේක්ෂව ඉන්ටර්නෙට් ස්ලෝ. අනික මම කියන විදිහට බ්ලොග් ලිපි බැලුවොත් Data එච්චර යන්නෙත් නෑ. මාත් ඔය හුඟක් වෙලාවට බලන්නේ ඔහොම තමා. මෙන්න කරන ක්‍රමය. හරිම ලේසි.

Sunday, April 14, 2013

කිරියෙන් පැණියෙන් ඉතිරෙන සුභම සුභ නව වසරක් වේවා.


බත බුලතින් සපිරෙන
කිරියෙන් පැනියෙන් ඉතිරෙන
සියළුම සිතුම් පැතුම් ඉෂ්ඨ සිද්ධ වන
සුභම සුභ නව වසරක් වේවා.....!
“එකසිය විස්සට දෙසීය විස්සක් - ආවඩා ආයු බෝ වේවා....!! 

Wednesday, April 10, 2013

උබුන්ටු මෙහෙයුම් පද්ධතියේ භාවිතා වන භාෂාව සිංහල බවට වෙනස් කරන හැටි.

උබුන්ටු මෙහෙයුම් පද්ධතියේ පොදු භාෂාව වශයෙන් ඉන්ග්‍රීසි භාවිතා වුවත් එය සම්පූර්ණයෙන්ම සිංහලට හරවා භාවිතා කළ හැක. මෙතනදී උබුන්ටු මෙහෙයුම් පද්ධතියේ පෙන්වන සියලුම ඉන්ග්‍රීසි වචන, සිංහල වචනවලින් අදේශ වී යයි. මෙසේ උබුන්ටු මෙහෙයුම් පද්ධතියේ සිංහලෙන් වැඩ කිරීමේ පහසුකම ලබා ගැනීම සඳහා දැනට උබුන්ටු භාවිතා වන පරිගණකය ඉදිකල යුතු වෙනස්කම් මෙසේය.

Tuesday, April 2, 2013

අපට වැදගත් වන මොබයිල් ෆෝන් රහස්‍ය කේත.

ජංගම දුරකතනයක් පාවිච්චි කිරීමට එහි සපයා තිබෙන මෙනු, නොයෙක් පහසුකම් හා විස්තරවලට අමතර වශයෙන් තවත් තාක්ෂණික තොරතුරු රැසක් එහි රැස් කොට තිබේ. මෙසේ සඟවා ඇති තොරතුරු  හෙවත් සීක්‍රට් ඩේටා (Secret Data) මොනවාද කියා කියවාගන්නට භාවිතා කරන විශේෂ කේත තිබේ. සීක්‍රට් කෝඩ් (Secret Codes) කියා හඳුන්වන්නේ මේවායි. දුරකතනයේ යතුරු පුවරුවෙන් මේවා ටයිප් කළ විට ඊට අදාළ විස්තර ඩිස්ප්ලේ එකේ පෙන්වයි. දුරකතන වර්ගය අනුව මේ කේත වෙනස් වෙයි.

Sunday, March 17, 2013

තාරකා විද්‍යාඥයෝ 5 | සූර්යග්‍රහණ පිළීබඳ අනාවැකි පළ කල හිපාකස්

සබැඳි ලිපි :- තාරකා විද්‍යාඥයෝ ලිපි පෙලෙහි ඇරඹුම | විද්‍යාවේ පියා තේල්ස්.
                     තාරකා විද්‍යාඥයෝ 2 | ගණිත ප්‍රාඥයා පයිතගරස්.
                     තාරකා විද්‍යාඥයෝ 3 | ග්‍රීසියේ මහා දාර්ශනිකයා ඇරිස්ටෝටල්.
                    තාරකා විද්‍යාඥයෝ 4 | ග්‍රහලෝක අතර නාමාවලිය සැකසූ ටයිකෝ බ්‍රාහි.

සූර්යග්‍රහණ පිළීබඳ අනාවැකි පළ කල හිපාකස්


සූර්යයාගේ සහ චන්ද්‍රයාගේ පිහීටීම ඕනෑම දිනක නිවැරදිව ප්‍රකාශ කිරීමේ හැකියාවක් හිපාකස් නමැති තාරකා විද්‍යාඥයා සතු වුනා. මේ හේතුවෙන් ඔහු පුරාතනයේ සිටි අතිදක්ෂම තාරකා විද්‍යාඥයා ලෙස ද සැලකෙනවා. ක්‍රි.පූ. 190-120 කාලය තුළ ජීවත් වූ හිපාකස්, තාරකා විද්‍යාඥයෙක් පමණක් නොව ගණිතඥයෙක්, භූ ගෝල විද්‍යාඥයෙක් ලෙසද නමක් දිනා සිටි අයෙක්. ත්‍රිකෝණමිතිය සොයා ගැනීමේ ගෞරවයද හිමි වන්නේ මොහුටයි. ඔහු කළ සොයාගැනීම් අතර වඩාත් ප්‍රකට විෂුවයයි. ඔහුගේ සූර්යය හා චන්ද්‍ර සිද්ධාන්ත සහ ත්‍රිකෝණමිතිය අනුව සූර්යග්‍රහණ පිලිබඳ අනාවැකි පළ කිරීමේ ක්‍රමයක්ද ඔහු ඉදිරිපත් කිරීමට සමත් උනා. ඔහුගේ අනෙකුත් වැදගත් සොයා ගැනීම් ලෙස පෘථිවියේ සාපේක්ෂ අක්ෂ භ්‍රමණය ද, තාරකා නාමකරණයද, තරු මාලිමාවේ නිපදවීමද හඳුන්වා දිය හැකියි. හිපාකස්ට අහසේ තරු 850 කට අධික ප්‍රමාණයක පිහිටීම ඉතාම නිවැරදිව  විස්තර කිරීමටද හැකියාව ලැබුනා. 

Sunday, March 10, 2013

තාරකා විද්‍යාඥයෝ 4 | ග්‍රහලෝක අතර නාමාවලිය සැකසූ ටයිකෝ බ්‍රාහි.

සබැඳි ලිපි :- තාරකා විද්‍යාඥයෝ ලිපි පෙලෙහි ඇරඹුම | විද්‍යාවේ පියා තේල්ස්.
                    තාරකා විද්‍යාඥයෝ 2 | ගණිත ප්‍රාඥයා පයිතගරස්.
                    තාරකා විද්‍යාඥයෝ 3 | ග්‍රීසියේ මහා දාර්ශනිකයා ඇරිස්ටෝටල්.


                   ග්‍රහලෝක අතර නාමාවලිය සැකසූ ටයිකෝ බ්‍රාහි.


නූතන තාරකා විද්‍යාඥයින් අතර සුවිශේෂී තැනක් ටයිකෝ බ්‍රාහිට හිමි වෙනවා. 1546 දී දකුණු ස්වීඩනයේ උඔඅත ලද මොහු රදළ පවුලක සාමාජිකයෙක්. කෝපන්හේගන් සරසවියෙන් අධ්‍යාපනය ලද මොහු උගත් විෂයයන් වූයේ ගණිතය හා තාරකා විද්‍යාවයි. ඉන් අනතුරුව ජර්මනියේ ආකාෂ වස්තු නිරික්ෂණාගාරයක සේවය කිරීමේ භාග්‍යය ඔහුට හිමි උනා. වසර කිහිපයකට පසුව නැවත ඩෙන්මාර්කයට ඔහු පැමිණියේ ජර්මනියෙන් ලද උසස් තාරකා විද්‍යා දැනුමත් සමගයි. එවකට  ඩෙන්මාර්කයේ සිටි රජතුමාගේ ද මූල්‍යමය ආධාර ඇතිව අහස නිරීක්ෂණය කල හැකි මධ්‍යස්ථානයක් ගොඩ නැගීමට බ්‍රාහිට හැකි උනා.

Tuesday, March 5, 2013

තාරකා විද්‍යාඥයෝ 3 | ග්‍රීසියේ මහා දාර්ශනිකයා ඇරිස්ටෝටල්.

සබැඳි ලිපි - තාරකා විද්‍යාඥයෝ ලිපි පෙලෙහි ඇරඹුම | විද්‍යාවේ පියා තේල්ස්.
                   තාරකා විද්‍යාඥයෝ 2 | ගණිත ප්‍රාඥයා පයිතගරස්.

ඇරිස්ටෝටල්.


ක්‍රි.පූ. 364 - 322 කාලය තුළ ජීවත් වූ ඇරිස්ටෝටල් ග්‍රීක ජාතිකයෙක්. තාරකා විද්‍යාඥයෙක් මෙන් ම දාර්ශනිකයෙක් ලෙසද සුපතළ ඇරිස්ටෝටල් සඳ සහ තරු ගමන් කරන බවට මුලින්ම ප්‍රකාශ කල තැනැත්තාද වෙනවා. "පෘථිවිය විශ්වයේ මධ්‍යස්ථානයයි. ඉර, හඳ, ග්‍රහලෝක පොළොව වටා ගමන් කරයි." යනුවෙන් ඇරිස්ටෝටල් ප්‍රකාශ කලා. ඇරිස්ටෝටල් ගේ මතයට අනුව විශ්වය ගෝලාකාර සහ නිශ්චිත සීමාවන් සහිත ව්‍යුහයක් වෙයි. පෘථිවිය එම සමස්ත විශ්වයේම මැද පිහිටා තිබෙන්නකි. ග්‍රහලෝක සහ අනෙකුත් ග්‍රහ වස්තු පෘථිවිය කේන්ද්‍ර කරගෙන විවිධ පථවල ගමන් කරමින් තිබෙන බවයි ඔහුගේ අදහසින් ප්‍රකාශ වූයේ. ඇරිස්ටෝටල් සතුව "ලයිසියම්" නමින් හඳුන්වන පාඨශාලාවක් තිබුණ අතර එහි කරන ලද භෞතික හා ජීව විද්‍යාත්මක පර්යේෂණවලට වියදම් කරේ ඔහුගේ ශිෂ්‍යෙක් වූ මහා ඇලෙක්සැන්ඩර් රජුයි.

Sunday, March 3, 2013

තාරකා විද්‍යාඥයෝ 2 | ගණිත ප්‍රාඥයා පයිතගරස්.

සබැඳි ලිපිතාරකා විද්‍යාඥයෝ ලිපි පෙලෙහි ඇරඹුම | විද්‍යාවේ පියා තේල්ස්.

ගණිත ප්‍රාඥයා පයිතගරස්.

පෘථිවිය ගෝලාකාර බව මුලින්ම ප්‍රකාශ කළේ පයිතගරස්ය. චන්ද්‍රයා මත වැටෙන පෘථිවියේ සෙවණැල්ල නිරීක්ෂණය කර ඒ පිළිබඳව වැඩිදුරටත් අධ්‍යනය කිරීමෙන් අනතුරුවයි මොහු ඒ බව ප්‍රකාශ කලේ. සොමෝස් දූපතේ ධනවත් පවුලක උපන් පයිතගරස් කුඩා කල පටන්ම ඉතා බුද්ධිමත් ළමයෙක් බව ප්‍රකට කලා. සොළොස්වැනි වියේ පසු වෙත් දී ඔහු විසින් ගුරුවරුන්ගෙන් අසන ලද ප්‍රශ්නවලට පිළිතුරු දීමට ගුරුවරුන්ට නොහැකි වී තිබෙනවා. ග්‍රහලෝක ගමන් කරන්නේ වක්‍රාකාර ගමනක බවත් ඔහු ප්‍රකාශ කලා. දක්ෂ ගණිතඥයෙක් ලෙස ද එකල ප්‍රකටව සිටි පයිතගරස් එදා ඉදිරිපත් කල ගණිත සංකල්ප වර්තමානයේදීද පාසල්වල පවා උගන්වයි. එවැනි ගණිත සංකල්පයකි "පයිතගරස් ප්‍රමේය". පයිතගරස් ජීවත් වූයේ ක්‍රි.පූ. 570 - 540 ත් අතර කාලයේ ය.

Saturday, March 2, 2013

තාරකා විද්‍යාඥයෝ ලිපි පෙලෙහි ඇරඹුම | විද්‍යාවේ පියා තේල්ස්.

   වර්තමානයේ දී මෙන්ම අතීතයේදීද අහස නිරීක්ෂණයට බොහෝ දෙනා දැක්වූයේ සුවිශේෂී කැමැත්තක්. ඉර, හඳ, තාරකා පිළිබඳව මිනිසා තුළ වූ කුතුහලය ඔවුන් විශ්ව ගවේෂණයට පෙළඹවීය. මිත්‍යා මත සහ ආගමික මත රජකල ඒ යුගයේදී තාරකා විද්‍යාඥයින්ට තමන් සොයා ගත් දේ ප්‍රකාශ කිරීමට, තහවුරු කිරීමට හැකියාවක් නොලැබිනි. ඒ සඳහා උත්සහ දැරූ අයට ඇතැම් විට ජීවිතයෙන් පවා වන්දි ගෙවීමට සිදු විය. කෙසේ වුවද එවැනි බාධක පරයමින් තම ගවේෂණ කටයුතුවල නිරත වූ නිසා තාරකා විද්‍යාව වර්තමානයේ පවතින තත්වයට දියුණු කිරීමට ඔවුන්ට හැකියාව ලැබිණි. අප්‍රතිහත ධෛර්යයත්, අසාමාන්‍ය කැපකිරීමත් නිසා අනාගත ලෝකයට අනන්ත විශ්වයේ තොරතුරු එළිදරව් කළ එවැනි සුවිශේෂී මිනිසුන් කිහිප දෙනෙකු ගැන මේ ලිපි පෙලෙන් කියවමු.

Wednesday, February 27, 2013

අපේ PC එකත් Windows 8 වගේ කරගමු.

   ඔන්න හෙන කාලෙකින් ලිපියක් ලියනවා. මේ ටිකේම ලිපි ලියන්න තියා හිතන්නවත් බැරි තත්වෙක තිබ්බේ. දැන් O\L වලට මුහුණ දෙන්න බලන් ඉන්න කොල්ලො නෙ. ඒක හින්ඳා පාඩම් කියල ජාතියකුත් කරන්ට එපායැ....

එහෙනම් අද ගෙනාවෙ පොඩි Theme එකක්. හරියටම කියුවොත් Windows 8 Transformation Pack. මේ බ්ලොග් එකේ පළවෙනියට Theme එකක් දෙන්නේ අද. මේකෙන් අපේ  තියෙන්නේ Windows XP හරි Vista වගේ එකක් නම් ඒක Windows 8 වගේ කරනවා. කරනව කියුවට ඒ විදිහටම කරන්නේ නෑ. සමාන්‍යයෙන් හෙන ගතියට මැෂින් එක එනවා. එහෙනම් වැඩිය කියවන්න වෙලාව නෑ ඔයාලම බාගෙන බලන්නකෝ......




ලින්ක් වල එහෙම අවුලක් තියනවනම් කොමෙන්ට් එකක් දාන්න. ආ යාළුවනේ මේ ගමන් පොඩි ප්‍රශ්නයක් අහන්නත් තියෙයි. මේ ටිකේ මගේ බ්ලොග් එකේ අම්බානට Spam Comments වැටෙනවා. මොකක්ද අවුල කියල දන්න කෙනෙක් ඉන්නවනම් කොමෙන්ට් එකක් විදිහට ලියල යන්න හොඳේ. ලයික් පාරක් එහෙම දීගෙනම යන්න. 


Wednesday, February 13, 2013

චංගුමීගේ ඇත්ත කතාව.

   මේ දිනවල කොහෙත්, කොතෑනත් වැඩියෙන්ම කතාබහට ලක්වෙන චරිතය "චංගුමී" කියුවොත් නිවැරදියි. වයස් භේදයකින් තොරව හැමෝම සතියේ දිනවල බලා සිටින්නේ චංගුමී නිවසට එනතෙක්. සිංහලෙන් හඬ කැවූ කොරියානු නාට්‍යයක් වන "Dea Jang Geum" නැතහොත් "සුජාත දියණි" කතා මාලාවෙ මේ දිනවල විකාශය විකාශය වී අවසානයි.


ජාතික රූපවාහිනියෙන් නිවසට කැන්දාගෙන එන සුජාත දියණි නැතහොත් "චංගුමී" සෑම නිවසකම සිය අධිකාරිය පතුරවමින් සිටින මේ මොහොතේ මෙම සටහන චංගුමී ලෙසින් රඟන "ලී යන්ග් ඒ" (Lee Young Ae) පිලිබඳවයි.


නිරූපිකාවක් ලෙසින් 1991 දී සිය වෘත්තීය දිවිය අරඹන ලී යන්ග් ඒ රඟ පෑමට යොමු වන්නේ ඉන් ඉක්බිතිවයි. ඇය විශාල ජනප්‍රසාදයකට ලක්වන්නේ Dea Jang Geum ටෙලි නාට්‍ය මාලාව සමගයි. 2003 වසරේ දී විකාශය වූ කොරියාවෙ අතිශයින් ජනප්‍රිය වූ මෙය "Jewel of the Palace" නමින් තායිවානය, හොංකොං හා චීනයේ දහස් සංඛ්‍යාත ජනකායක් ආකර්ෂණය කර ගැනීමට සමත් විය. කොරියානු තානාපති කාර්යාලයේ අනුග්‍රහයෙන් ශ්‍රී ලංකාවට ලැබුණු එම නාට්‍ය "සුජාත දියණි" නමින් මෙරට ප්‍රේක්ෂක ආකර්ෂණය දිනා ඇත්තේ අන් රටවල් පරදවමින්. රජ ගෙදර මුළුතැන්ගෙයි සේවිකාවක ලෙස සේවයට බැඳී ප්‍රධාන රාජකීය වෛද්‍යවරිය දක්වා දුෂ්කර ගමනක් යන දිරිය දියණියකගේ කතාන්දරය රැගත් මේ නාට්‍ය මාලාව ලී යන්ග් ඒ ට වාසනාව ගෙන ආ බව කාගෙත් අදහසයි.

මෙම නාට්‍යට අමතරව තවත් ටෙලි නාට්‍ය 17 ක පමණද චිත්‍රපට 5 ක පමණද රඟපෑ ඇය දැන් 41 වැනි වියෙහි පසුවෙයි. 1971 ජනවාරි 21 වැනිදා දකුණු කොරියාවෙ සියෝල් හිදී උපත ලද ලී යන්ග් ඒ 2009 අගෝස්තු මස 24 වැනිදා ජෙඔන්ග් හෝ යන්ග් නමැති කොරියානු ජාතික ඇමරිකානු ව්‍යාපාරිකයා සමග මාධ්‍යවලට ද රහසින් හවායිහිදී විවාහ වෙයි. ලී යන්ග් ඒ ට වඩා වසර 8 කින් වැඩිමහල් ඇගේ සැමියා පිලිබඳ ඇය කියන්නේ ඔහු ඉතා විශ්වාසදායී ආදරණීය පුද්ගලයෙකු බවයි. ඔහු ගැන ආදරයට වඩා ගැඹුරු හැඟීමක් තමන් තුල ඇති බව පවසන ලී යන්ග් ඒ ආදරයට වයස බලපාන්නේ නැති බව කියයි.

ලී යන්ග් ඒ සරල, නිහතමානී හුඟක් හොඳ ගතිගුණ ඇති අයෙක් බව ඇගේ සැමියා පවසයි. මේ වන විට දෙදරු මවක් වන ඇය 2011 පෙබරවාරි 20 වැනිදා පිරිමි හා ගැහැනු නිවුන් දරුවන් දෙදෙනෙකු බිහි කළාය. ඇය ඇගේ ජීවිතයම ඒ දරුවන් වෙනුවෙන් කැප කර සිටින අතර තමන් මුල් තැන දෙන්නේ තම පවුලට බව කියා සිටී. දරුවන්ට ස්වාභාවික පරිසරයේ හැදෙන්නට වැඩෙන්නට ඉඩදීමේ අරමුණෙන් අක්කර 180 ක විශාල ඉඩමක් සහිත මන්දිරයක් ඇය මිලදී ගෙන ඇත්තේ එබැවිනි. දරු ප්‍රසූතියෙන් අනතුරුව ඇය සය මසක පමණ කාලයක් තුල දී නැවත සිය සිරුරේ හැඩය හා වර්ණය මනාව හැඩගසාගෙන ඇති බව මාධ්‍ය වාර්තා කර තිබුණි. ඇගේ මුල් කාලීන රූපය හා සසඳන විට පසුකාලීන රඟපෑම් වලදී ඇගේ ඇස් වටා ප්‍රදේශය ප්ලාස්ටික් සැත්කමකට භාජනය කර ඇද්දයි යන්න පිලිබඳ විවිධ කටකතා මාධ්‍ය වාර්තාකරමින් සිටී.


කෙසේ වෙතත් වෘත්තීය වශයෙන් ඉතා සාර්ථකව සිටින ඇය 2005 තිරගත වූ Sympathy for lady Vengence නමැති දකුණු කොරියානු චිත්‍රපටිය වෙනුවෙන් හොඳම සිනමා නිළිය සම්මානය අන්තර්ජාතික සිනමා උළෙල හතරකදී දිනා ඇත. ඇය ටෙලි නාට්‍යය වෙනුවෙන්ද සම්මාන රැසකට හිමිකම් ලබා ඇත.



ලී යන්ග් ඒ Hanyang විශ්ව විද්‍යාලයෙන් ජර්මන් භාෂාව හා සාහිත්‍ය පිළිබඳ බී.ඒ. උපාධිය Chung Ang විශ්ව විද්‍යාලයෙන් වේදිකා නාට්‍ය හා චිත්‍රපට පිළිබඳ එම්.ඒ. උපාධියත් ලබාගෙන ඇත.

ඇය සිය වෘත්තීය ජිවිතයෙන් බැහැරව නොයෙකුත් සමාජ සේවයන්හීද නිරත වන්නියකි. පාසල් හා රෝහල් ගණනාවකට ඇය ධන පරිත්‍යාගයෙන් දායක වී තිබේ. ඉටියෝපියාව හා ථාර් කාන්තාරවල සමාජ සේවිකාවක ලෙස තමා කළ සංචාර අළලා A most Special Love නමැති ස්වයං චරිතාපදානයක් රචනා කල ලී යන්ග් ඒ එම ග්‍රන්ථයේ අදායමද සමාජ සේවය වෙනුවෙන් කැප කොට ඇත. එසේම නැවත 2006 දී Yong Ae's Vow නමින් සිය වෘත්තීය ජීවිතය ඇතුලත් කොට නැවත ස්වයං චරිතාපදානයක් රචනා කොට ඇත.



ලී යන්ග් ඒ මෑතක දී සාම්ප්‍රදායික කොරියානු තේ සහ ළදරු ආහාර ව්‍යාපාරයක් ද ආරම්භ කර ඇතැයි කියවේ.

මූලාශ්‍රය :- 2013 ජනවාරි 27 රිවිර රිවිසරසි පුවත්පත් අතිරේකය.




Sunday, February 3, 2013

IP Address Widget එක බ්ලොග් එකට දාගමු.

හෙට පෙබරවාරි 4 වැනිදා. 65 වැනි නිදහස් උත්සවය. හෙට අභිමානවත් ලෙස නිදහස් උත්සවයට ඔක්කොමල ලෑස්ති වෙන අතරෙ ඔන්න මම බ්ලොග් ලස්සන කරන ක්‍රමයක් දෙන්නයි යන්නේ. මේකෙන් කරන්නේ ඔයාලගෙ බ්ලොග් එකට එන අයගෙ IP Address, OS, Country, Browser වගේ හුඟක් විස්තර පෙන්නන එක.


  • දාගන්න හැටි ආය මුල ඉඳල කියන්න ඕනි නෑ නේ. Layout ගිහින් HTML/Java Script එකක් විදිහට මම පල්ලෙහ දීල තියන කෝඩ් දාගන්න. ඔතන කෝඩ් 2ක් තියනවා. ඔයාලම බලන්නකෝ දෙකේ වෙනස.

Thursday, January 24, 2013

බ්ලොග් එකේ මුදුනින්ම ගැජට් එකක් දාගමු.

මෙන්න මගේ බ්ලොග් එකේ 100 වැනි ලිපිය. හරි සතුටුයි ඈ....:D/

මෙන්න අද නියම බ්ලොග් ට්‍රික්ස් එකක් ගෙනාව. ඔය ඇඩ් එකක් එහෙම දාන්න නියම ක්‍රමයක් මේ. ඔය පින්තූරෙ පේන විදිහට බ්ලොග් එකේ උඩින්ම ගැජට් එකක් දාන හැටි අපි අද බලමු. සාමාන්‍යයෙන් බ්ලොග් එකේ Header එකට උඩින් ගැජට් එකක් සාමාන්‍ය Template වල නෑ නේ. ඒක හින්ඳා අපිට ඒක අපිටම කියල දාගන්න පුළුවන්. එහෙම දාපුවහම වාසි හුඟයි.


එහෙනම් වැඩි විස්තර දාගෙනම බලන්න. මෙන්න ක්‍රමේ....

1.මුලින්ම Template >> Edit HTML ගිහින් ඒකෙ Expand Widget Templates කියන තැනට හරියක් දාගන්න.

2.ඊට පස්සේ CTRL+F ගහල ]]></b:skin> කියන කෝඩ් එක හොයාගෙන ඊට උඩින් පල්ලෙහ කෝඩ් එක කොපි කරගන්න.

Tuesday, January 22, 2013

වෙබ් හෝ බ්ලොග් අඩවියක තිබෙන හානි වූ Link සොයාගන්න හැටි.


සාමාන්‍යයෙන් බ්ලොග් හෝ වෙබ් අඩවියක විවිධ වූ ලින්ක් විශාල ප්‍රමාණයක් තියෙයි නේ. ඒ විශාල ලින්ක් ප්‍රමාණය අතර සමහර ලින්ක් වැඩ නොකරන්න පුළුවන්. විශේෂයෙන් ඔය Download කරගන්න දෙන ලින්ක් එහෙම වැඩ නොකෙරුවොත් අපේ බ්ලොග් එක හරි වෙබ් එකට හරි එන කට්ටිය අපහසුතාවයට පත් වෙන්න පුළුවන්. ඒ වගේම ආය ආත්මෙකට ඒ පැත්තේ එන්නැති වෙන්නත් පුළුවන්. තව මෙහෙම හානි වෙලා තියන ලින්ක් තියන එකෙන් අපේ බ්ලොග් හෝ වෙබ් අඩවියේ Page Rank එකත් බහින්න පුළුවන්.

ඔය උඩ කියුව විදිහට හානි වෙලා තියන ලින්ක් හොයාගන්න පුළුවන් පොඩි මෘදුකාංගයක් අද මම දෙන්නම්. මේකෙන් ඔයාල ඔයාලගෙ බ්ලොග් හරි වෙබ් අඩවිවල තියන අවුල් වෙලා තියන ලින්ක් හදල දාන්නකෝ...




1.මුලින්ම ගිහින් මෘදුකාංගය බාගෙන ඉන්ස්ටෝල් කරගන්නකෝ...

Monday, January 21, 2013

Box Style එකේ ලස්සන ලේබල් ගැජට් එකක් බ්ලොග් එකට දාගමු.

    මෙන්න තවත් ලස්සන බ්ලොග් ගැජට් එකක් ගෙනාවා. ඔයාල සාමාන්‍යයෙන් ඔයාලගෙ බ්ලොග් ලිපි ලේබල් වලට වෙන් කරනවනේ. ඒ වගෙම ඒ ලේබල් පාඨකයන්ට පේන විදිහට ගැජට් එකක් විදිහට බ්ලොග් එකට දානවනේ. අන්න ඒ බ්ලොගර් එකෙන් දෙන ලේබල් ගැජට් එක ලස්සන කරගන්න විදිහක් අපි අද බලමු.





ඕක දාපුවහම පේන්නේ ඔය දාල තියන පින්තූරෙ විදිහටමයි. ... මෙන්න එහෙනම් දාගන්න හැටි.








Friday, January 18, 2013

දැනුම බදාගන්න නොව බෙදාගන්න | Ekwemu.com

   ආයුබෝවන් හැමෝටම. අද පොඩි දෙයක් ගැන කියන්නයි ආවෙ. මම හදපු සයිට් එකක් ගැන. සයිට් එකක් කියුවට Forum එකක්. තව හුඟක් ජාති හදන්න තියෙයි. නම තමා "එක්වෙමු". මේක හදන්න මම හිතුවෙ එක එක්කෙනා ගාව තියන දැනුම වෙනත් අයත් එක්ක බෙදා හදා ගැනීම.


මේක ලඟදි හදපු නිසා තවම එච්චර කට්ටිය නෑ. ඔයාලත් Register වෙලා පුළුවන්නම් යාළුවන්ටත් කියන්න. ඔයාල දන්න ඕනම දෙයක් මේකෙ දාන්න. ඒ වගේම සමාජයේ විවිධ දෙවල් ගැන සාකච්ඡා  කරන්න. මම තව මේක දියුණු කරන්නත් හිතාගෙන ඉන්නවා. එහෙනම් යාළුවනේ මම පල්ලෙහයින් ලින්ක් එක දීල ඇති. ගිහිල්ලම බලන්නකෝ...........


කොහොමද??? ඔයාල Forum එක ගැන හිතන දේවල් කොමෙන්ට් එකකින් ලියන්න. නැතිනම් මට pasindujayanada@gmail.com හරහා මේල් කරන්න. හොඳ නරක් ඕන දෙයක් ලියන්න. ඔයාලගෙ අදහස් තමා මේක වෙනස් කරන්න ඕනි වෙන්නේ........





Friday, January 11, 2013

බ්ලොග්කරණය දෙවෙනි වසරටත්.

     ඔන්න අදට පසිඳුගේ අඩවියට අවුරුද්දක් සපිරෙනවා. මට හරිම සතුටු දවසක්. මම හිතන විදිහට අද මගෙ බ්ලොග් එක යම් ස්ථානයක තියනවා. ඒකෙ සම්පූර්ණ ගෞරවය හිමිවෙන්න ඕන 2012.01.11 ඉඳන් මගෙ බ්ලොග් එකත් එක්ක රැඳී හිටපු බ්ලොග් පාඨකයන්ට. බොහොම ස්තූතියි...!!!


බ්ලොග් එකේ තත්වෙ ගැන සාරාංශයක් දුන්නොත් මේ වෙනකොට මම ලිපි 96 ලියල තියනවා. කොමෙන්ට් 454 පලවී තියන්වා. කොමෙන්ට් වලින් මගෙ ලිපි වල හොඳ නරක පෙන්නා දී මාව ධෛර්යමත් කල හැමෝටමත් ස්තූතියි. කොහොම උනත් මේ වෙනකොට බ්ලොග් එකේ Page Views 57062 තියනවා. 

මේ බ්ලොග් එක අද මෙතනට ගේන්න මට බොහෝ අය උදව් කරා. විශේෂයෙන් Geek.lk අඩවියේ මිතුරන්  මතක් කල යුතුයි. පසුගිය මාස වල බ්ලොග් එකේ ලිපි එතරම් පලවුනේ නෑ. එකට හේතුව O/L විභාගය. තවම ඉවර නෑ; මේ අවුරුද්දේ තමා විභාගෙට මුහුණ දෙන්නේ. මොනව කරන්නත් ඒක කරන්න එපයි, ඒක හින්ඳා මේ ටිකෙත් බ්ලොග් එකට ලිපි එච්චරම වැටෙන්නේ නැති වෙයි. ඒත් මම අත හරින්නේ නෑ. පුළුවන් හැම වෙලාවෙම ලිපි දානවා. ඒක හින්ඳා මගෙත් එක්ක දිගටම රැඳිල ඉන්න කියල මතක් කරනවා...

Tuesday, January 8, 2013

Windows XP වේගවත් කරගමු.

      ඔන්න අලුත් අවුරුද්දේ දෙවෙනි ලිපිය දානවා. මේ ටිකේ ඔක්කොමලා Windows 7,8 වගේ මෙහෙයුම් පද්ධති පාවිච්චි කරත් සමහර කට්ටිය තවම පාවිච්චි කරන්නේ Windows XP. මම මීට කලින් ලියල තියෙයි Windows 7 ස්පීඩ් කරගන්න හැටි. අද බලමු Windows XP ස්පීඩ් කරගන්න හැටි.


එහෙනම් දෙවියන් සිහි කරල වැඩේට බහිමු. පල්ලෙහ පියවර ටික නියමෙට දාල තියෙයි.

01. මුලිනම් notepad ඒක ගන්න අරගෙන මේ ටික ටයිප් කරගන්න "delc:\windows\prefetch\ntosboot-*.* /q" ඒක දැන්  Save As ගිහිල්ලා " ntosboot.bat "කියන නමට Save කරගන්න 

02. දැන් start මෙනු එකට යන්න ගිහින් Run  Select කරගන්න ඊට පස්සේ මෙටික ටය්ප් කරගන්න "gpedit.msc".ඊට පස්සේ Run කරන්න 

Tuesday, January 1, 2013

ඔබ සැමට සුභ නව වසරක් වේවා...!


ලැබුවාවූ 2013 වර්ෂය ඔබ සැමටසාමය සතුට පිරි සුභ නව වසරක් වේවා!
 Happy New Year 2013!
புத்தாண்டு 2013!